കവിതക്കുള്ളിലെഇടങ്ങള്‍

എത്ര വിളിച്ചാലും 

കൂടെ പോരില്ല

ഒരു സിനിമയ്ക്ക്,
അടുത്ത കടയിലെ
മഞ്ഞു ലോകത്തേക്ക് ,
ഫോര്‍ട്ട്‌ കൊച്ചിയിലെ
മരത്തണലിലേയ്ക്ക്,
എന്തിന്
ബൈക്കിലൊന്ന് കാറ്റുകൊള്ളാന്‍

ഓടി പോകുന്ന
ബസ്സിലിരുന്ന് അമ്മ കാണും
മടങ്ങും വഴി അച്ചനുണ്ടാവും
തട്ടുകടയില്‍ ഏട്ടന്റെ കൂട്ടുകാര്‍ കാണും

വാക്കുകളുടെ
വാതിലടച്ച്‌ 

എന്നോട് ചേര്‍ന്ന്
കവിതക്കുള്ളില്‍ 

തീ കാഞ്ഞിരിക്കുമ്പോള്‍ മാത്രം
ഭയപ്പെടാറില്ലവള്‍ ആരെയും