അമ്മയോട്,
അംഗന്‍വാടി ടീച്ചറോട്,
കൂട്ടുകാരോട്,
പ്രണയിച്ച കവയത്രിയോട്,
എല്ലാവരോടും
എന്നെ
തിരികെ നല്‍കാന്‍ ആവശ്യപെട്ടു .
അമ്മ
മാറിലെ ചൂട് പകുത്ത് തന്നു .
കൊടുത്തേല്‍പ്പിച്ച ഒരുമ്മ
ടീച്ചര്‍ തിരകെ നല്‍കി.
രാമന്‍
കട്ടെടുത്ത കടലാസ് പെന്‍സില്‍
എന്റെ പോക്കറ്റിലിട്ടു.
ആകാശം കാണാതെ
ഒളിപ്പിച്ച കവിതയില്‍ നിന്ന്
കവയത്രി എന്നെ എടുത്തു തന്നു.
കയ്യിലുള്ളതും
ഓര്‍മയിലുള്ളതും എല്ലാം
എല്ലാവരും
തിരികെ നല്‍കി .
ഈശ്വരാ
എത്ര നാളായി
ഞാനിങ്ങനെ
ചിതറി കിടക്കുന്നു
എല്ലാം ചേര്‍ത്തു വെച്ച്
ഇന്നെങ്കിലും
എനിക്കെന്നെ
മുഴുവനായി ഒന്ന് കാണണം .
No comments:
Post a Comment