Monday, 8 August 2011

മറവിയുടെ വേരുകള്‍

















ഇനി നാളെയാവട്ടെ 
എന്ന് കരുതി 
മാറ്റി വെച്ച ഒന്ന് 
പിന്നീട് മറന്നു പോയത് 

പൊള്ളി പിടഞ്ഞ്
നാവിന്‍ തുമ്പത്തുന്ടായിരുന്നത്  
മറ്റൊരു വര്‍ത്തമാനത്തില്‍ 
വിട്ട് പോയത് 

നടുവൊടിഞ്ഞ സൌഹൃദത്തില്‍ 
ചിതറി തെറിച്ച ഒന്ന് 
ഓര്‍ത്തെടുക്കാതെ 
ഓര്‍മ തെറ്റായി പോയത് 

വലിച്ചെറിഞ്ഞത് 
വഴി തെറ്റി പോയത് 
വഴി മുട്ടി പോയത് 

ആകാശത്തടയിരിപ്പുണ്ട്
പരിക്കേറ്റ കുറെ ഓര്‍മ തുണ്ടുകള്‍ 

മെഴുകുതിരി വെട്ടം കൊണ്ട് 
നീ 
പുറത്തിറങ്ങുമ്പോള്‍ 
സൂക്ഷിക്കണം 
ആകാശത്തിന്‌ തീ പിടിക്കരുത് 

No comments:

Post a comment